Archive for yerevan60

Փորձի փոխանակման դաս գերմաներենից

Վ.Տերյանի անվան հ60 հիմնական դպրոցում 4ա և 4բ դասարաններում անցկացվեց փորձի փոխանակման դաս, որին ներկա էին գերմաներենի բոլոր ուսուցիչները: Դասի ընթացքում գերմաներենի ուսուցչուհի Ա.Ավետիսյանը օգտագործեց ,,Ուսուցում խաղի և նկարների միջոցով,, մեթոդը:

Կանաչ երազը դարձնենք իրականության

Բնագիտական մ/մ նախաձեռնությամբ տեղի ունեցավ ,,Կանաչ երազը դարձնենք իրականության,, միջոցառման 2-րդ փուլը: ATP կազմակերպության կողմից տրամադրված նյութերի և ամսագրերի օգնությամբ 7-9-րդ դասարանի աշակերտները խմբերով ներկայացրեցին մթնոլորտի, ջրի, հողի աղտոտման պատճառներն ու հետևանքները և ուղիներ նշեցին դրանց նվազեցնելու կամ կանխարգելելու համար:

Կլիմայի փոփոխությունը

Բնագիտության ուսուցչուհի Ք.Գալստյանի նախաձեռնությամբ դպրոց էր հրավիրվել ATP բարեգործական հիմնադրամի բնապահպանական կրթության բաժնի աշխատակից Նվարդ Գևորգյանը: Նա ներկայացրեց <> թեմայով շնորհանդես: Քննարկմանը մասնակցում էին 8-րդ և 9-րդ դասարանների աշակերտները:

Շախմատի 13-րդ օլիմպիադա

2018թ.հոկտեմբերին Վ.Տերյանի անվ. հ60 դպրոցում անցկացվեց ՀՀ դպրոցականների շախմատի 13-րդ օլիմպիադան, որին մասնակցեցին մինչև 14 տարեկան դպրոցականները:

,,Ա,, տառի քայլարշավը

,,Ա,, տառի քայլարշավով բացվեց հայոց հրաշափառ այբուբենը՝ ոսկեղեն տառերի շտեմարանը:
Վ.Տերյանի անվան հ60 հիմն. դպրոցում տեղի ունեցավ առաջին դասարանների ,,

Ա տառ,, բաց-դասը: Այնուհետև բոլոր առաջին դասարանցիները բակում գծեցին Ա գլխատառը՝ օդ բաց թողնելով փուչիկներ /դասվարներ՝ Լ.Առաքելյան, Գ.Համբարձումյան, Ծ.Թովմասյան, Է.Խունոյան/:

Ֆրանկոֆոնիայի Երևանի գագաթաժողով

10.10.2018թ Վ. Տերյանի անվան հ60 հիմն. դպրոցում տեղի ունեցավ դաս-միջոցառում, որին նախապատրաստվել էին դպրոցի ավագ դասարանի աշակերտները /8-9-րդ/ : միջոցառումը նվիրված էր Հայաստանում այս տարի անցկացվող Ֆրանկոֆոնիայի 17-րդ գագաթնաժողովին: Աշակերտները պատրաստել էին տեսադաս, ցուցապաստառ և հետաքրքիր ու ճանաչողական զեկուցում: Կազմ. ՄԿԱ գծով փոխտնօրեն Ա. Հովհաննիսյան, պատմ. մ/մ:

Տոնդ շնորհավոր, սիրելի՛ ուսուցիչ

2018թ. հոկտեմբերի 8-ին Վ.Տերյանի անվան հ60 հիմն. դպրոցում անցկացվեց դաս-միջոցառում ,,Happy Teacher’s Day,, խորագրով: Դաս-միջոցառմանը մասնակցեցին 8ա և 8բ դասարանների աշակերտները, որոնք իրենց երախտագիտության խոսքը հղեցին ուսուցիչներին:

Գերմաներեն լեզվի B1 մակարդակի դիպլոմների հանձնումը

Երևանում Գերմանիայի Դաշնության դեսպան պարոն Մաթիաս Քիսլերը Վ.Տերյանի անվան հ60 հիմնական դպրոցի աշակերտներին հանձնեց գերմաներեն լեզվի B1 մակարդակի դիպլոմներ:

Նախակրթարանի բացումը Վ.Տերյանի անվ. դպրոցում

,,Կրթության բարելավում,, և ,,Դպրոցին երեխաների պատրաստվածության բարձրացում և հավասար մեկնարկային հնարավորությունների ապահովում,, ծրագրի շրջանակներում Երևանի Վ.Տերյանի անվան հ60 հիմն. դպրոցում այսօր տեղի ունեցավ 4-ից մինչև 6 տարեկան երեխաների համար նախատեսված նախակրթարանի բացումը: Նախակրթարանը կապահովի երեխաների նախապատրաստումը տարրական դպրոցին, արագ համալրվելու և ուսման մեջ առաջընթաց ունենալու, ինչպես նաև կայուն հիմքեր կստեղծի երեխայի անձնային և սոցիալական հմտությունների զարգացման և ձևավորման համար:

Շահեն Խաչատրյանը դարձավ 84 տարեկան

Սեպտեմբերի 28-ին հայ արվեստի երախտավոր, արվեստաբան, Ամենայն Հայոց Կաթողիկոսի մշակույթի գծով խորհրդական Շահեն Խաչատրյանը դարձավ 84 տարեկան: Լինելով հայ ազգի մեծ զավակը նրա մեծագույն երազանքն է հայ արվեստը ներկայացնել աշխարհի արվեստասեր հանրությանը։ Օրինակելի նվիրումով ծառայել է սիրած գործին, կարողացել է համալրել Հայաստանի թանգարանային հավաքածուները և հարստացնել շուրջ 500 գեղանկարչական և գրաֆիկական աշխատանքներով: Երբեք չի խոսել իր արած գործերի մասին, միշտ լուռ է եղել, հավատալով, որ արած աշխատանքն ինքնին վկայությունն է: Նա այդպես է վարվել նաև իբրև բարերար. երբեք չի բարձրաձայնել իր բարեգործությունների մասին: Արվեստաբանի 84-ամյակը նշվեց Երևանի Վ.Տերյանի անվան հ60 դպրոցում, որի գրադարանի ընթերցասրահը նորոգել և իր գրքերով ու նկարներով համալրել է Շահեն Խաչատրյանը: Դպրոցում կազմակերպվել էր մեծարման ցերեկույթ: Հանդիպմանը ներկա էին Գերմանական մշակութային կենտրոնի ղեկավար Անահիտ Մինասյանը /ով կապող օղակ հադիսացավ դպրոցի և մեծ արվեստաբանի միջև/, Փարաջանովի անվան թանգարանի տնօրեն Զավեն Սարգսյանը, Սանկտ-Պետերբուրգի նկարիչների միության անդամ, քանդակագործ Ցոլակ Սիմոնյանը, Մ. Սարյանի թանգարանի աշխատակիցներ, ուսուցիչներ, աշակերտներ, ինչպես նաև արվեստաբանի որդին, բարեկամներն ու հարազատները: Վ.Տերյանի անվ. դպրոցի ողջ ուսուցչական համակազմը տնօրեն Ա.Իսկանդարյանի գլխավորությամբ շնորհավորում է նեծ արվեստագետին:.