Archive for Կապը օտարերկրյա կազմակերպությունների հետ

«Ծրագրավորման ժամ»

Մայքրոսոֆթ ինովացիոն կենտրոն Հայաստանն այս տարի ընդլայնել է «Ծրագրավորման ժամ» (Hour of Code) միջոցառումը և փորձում է այն դարձնել ծրագրավորման տարածմանն ուղղված շարժում։ Այս անգամ կենտրոնի աշխատակիցներին հյուրընկալեց Վ.Տերյանի անվան հ60 դպրոցը։ Աշակերտները մեծ ոգևորությամբ մասնակցեցին դասընթացին և հաջողությամբ կատարեցին հանձնարարությունները։
Միջոցառման նպատակն էր մասնակիցներին ծանոթացնել ծրագրավորման տրամաբանությանը, նրանց համար բացահայտել ծրագրավորման հիմնական հասկացությունները, օգնել գրել տարբեր խնդիրների լուծումներ կոդի տեսքով։ Այս ամենը մասնակիցները սովորեցին խաղերի միջոցով ընդամենը մի քանի ժամում՝ իրենց կցված մենթորների օգնությամբ:
Աշակերտները ստացան վերնաշապիկներ և մասնակցության սերտիֆիկատներ։

Ա. Պուշկինի ծննդյան 220-ամյակը

Ա. Պուշկինի ծննդյան 220-ամյակին կազմակերպվել էր հրաշալի միջոցառում ( կազմակերպիչներ ռուսերենի ուսուցչուհիներ Ժ. Աթանեսյանը, Կ. Արշակյանը)։ Ն.Գոգոլը գրել է , որ «Պուշկինը բացառիկ երևույթ է և, գուցե թե, ռուսական ոգու միակ դրսևորումը, դա ռուս մարդն է ՝ իր զարգացման մեջ,որում նա, հնարավոր է , հայտնվի երկու հարյուր տարի անց»: Միջոցառումը սկսվեց Պուշկինի կյանքի և գործունեության մասին հետաքրքիր դրվագներով, հնչեցին ռուս մեծագույն բանաստեղծի ստեղծագործություններից հատվածներ, արտասանեցին նրա լավագույն բանաստեղծություններից, աշակերտներն անդրադարձան նաև Պուշկինի ստեղծագործության ժամանակագրությանը, թեմաներին։
Վերջում դպրոցի տնօրեն Ա. Իսկանդարյանը շնորհակալություն հայտնեց միջոցառումը լավագույնս կազմակերպելու համար, նշեց, որ Պուշկինն իր ստեղծագործությունների մեջ արտացոլել է մի ամբողջ դարաշրջան, նրա գործերն իրենց ուրույն տեղն ունեն համաշխարհային գրականության պատմության մեջ:

Աշակերտները Գյոթե կենտրոնում

Վ․Տերյանի անվան հ60 դպրոցի 4բ դասարանի աշակերտները այցելեցին գերմաներեն լեզվի ուսուցման Գյոթե կենտրոն և մասնակցեցին ամենամյա <> ծրագրին։ Աշակերտները դիտեցին <> թատերական ներկայացումը և մասնակցեցին <> ծրագրին։

New Look Cup International 2019

Վրաստանի Թբիլիսի քաղաքում նոյեմբերի 1-3-ը տեղի ունեցավ «New Look Cup International 2019» գեղարվեստական մարմնամարզության մրցաշար։ Վ. Տերյանի անվան հ60 դպրոցի 2ա դասարանի աշակերտուհի Մերի Սահակյանը փայլուն ելույթ ունեցավ՝ գրավելով 2-րդ պատվավոր հորիզոնականը և արժանանալով ժուրիի գովեստին։ Շնորհավորում ենք մեր շնորհալի սանին և դպրոցի ֆիզկուլտուրայի ուսուցչուհուն՝ մարզիչ Ա. Թովմասյանին։

,,Շոշափելի մաթեմատիկա,, ծրագիրը ,,Թումո,, կենտրոնում

Վ.Տերյանի անվան հ60 հիմն. դպրոցի 5գ դասարանի աշակերտները այցելեցին ,,Թումո,, ստեղծարար տեխնոլոգիաների կենտրոն: Մասնակցեցին գերմաներենի ուսուցման կենտրոնի, Գյոթեի անվան ինստիտուտի կազմակերպած ,,Շոշափելի մաթեմատիկա,, ծրագրին: Աշակերտները մեծ հետաքրքրությամբ և ոգևորությամբ կատարեցին բոլոր առաջադրանքները:

Այցելություն Գյոթե կենտրոն

Վ.Տերյանի անվան հ60 դպրոցի 6-րդ դասարանի աշակերտները այցելեցին Երևանի գերմաներենի ուսուցման Գյոթե կենտրոն: Նրանք ծանոթացան Հովհ. Թումանյանի հեքիաթների գերմաներեն թարգմանված տարբերակին, կատարեցին մի շարք հետաքրքիր խմբային աշխատանքներ, որի արդյունքում հենց իրենք ստեղծեցին իրենց քաջ ծանոթ հեքիաթների գերմաներեն տարբերակները:

B1 մակարդակի դիպլոմների հանձնման արարողությունը

02.10.2019թ. Երևանի ԳԴՀ-ի դեսպանատանը Վ.Տերյանի անվան հ60 հինական դպրոցի 12 աշակերտներ ստացան B1 մակարդակի գերմաներեն լեզվի դիպլոմներ:

Գերմաներենի A1 մակարդակի սերտիֆիկատների հանձնման արարողությունը

RSMմիջազգային մաթեմատիկական մրցույթ

2019թ. ապրիլի 7-ին Հայաստանի Պետական Մանկավարժական Համալսարանում տեղի ունեցավ RSM մաթեմատիկական դպրոցի կողմից կազմակերպված միջազգային մաթեմատիկական մրցույթի 2-րդ փուլը, որին մասնակցելու իրավունք ստացան առաջին փուլը հաղթահարած 11 աշակերտներ Հայաստանի դպրոցներից։ Այս մրցույթը արդեն մի քանի տարի է, ինչ անց է կացվում Հայաստանում, սակայն այս տարի առաջին անգամ ունեցել ենք առաջին փուլի հաղթողներ։ Մասնակիցների թվում էր նաև Վ.Տերյանի անվան հ60 հիմնական դպրոցի 6բ դասարանի աշակերտ Ռաֆայել Օրդյանը։ Աշակերտները մեծ ոգևորությամբ մասնակցեցին մրցույթին և ստացան հուշանվերներ։

Գերմաներեն լեզվի DSD-I բանավոր քննություն

2012-2013 ուստարվանից Վ.Տերյանի անվան հ60 հիմնական դպրոցում ՀՀ ԿԳ նախարարության և Երևանում Գերմանիայի Դաշնային Հանրապետության դեսպանության միջև կնքված Մտադրությունների համատեղ հուշագրի շրջանակներում իրականացվում է գերմաներենի խորացված ուսուցում: Հուշագրի շրջանակներում դպրոցի աշակերտները հնարավորություն են ստանում <> քննություն հանձնել ավարտական 9-րդ դասարանում: Դպրոցում գործող DSD-I -ը հնարավորություն է ընձեռում շարունակելու կրթությունը Գերմանիայի համապատասխան ուսումնական հաստատություններում՝ նախընտրած մասնագիտությամբ։
Դպրոցում մարտի 25-ին գերմաներեն լեզվի խորացված խմբի աշակերտները իրենց ողջ գիտելիքները կիրառեցին DSD-I բանավոր քննությունը հանձնելու համար։