Archive for Միջոցառումներ

Հասունության վկայականի հանձնման արարողությունը

Եկավ և հասունության վկայական հանձնելու օրը.
սիրելի՛ 9-րդ դասարանցիներ, Վ.Տերյանի հ60 հիմնական դպրոցի տնօրինությունն ու ողջ ուսուցչական կազմը մաղթում են ձեզ նորանոր բարձունքների նվաճում, առողջություն, հաջողություններ:

Բարի ե՛րթ ձեզ, սիրելի՛ շրջանավարտներ

24.05.2019թ. Վ․ Տերյանի անվան դպրոցը ճանապարհեց ևս մի սերունդ․ 9-րդ դասարանի աշակերտները հրաժեշտ տվեցին իրենց դպրոցին, այն դպրոցին, որտեղ սկսել են իրենց առաջին քայլերը գիտելիքների անծայրածիր աշխարհում։ Շրջանավարտները գեղեցիկ միջոցառման միջոցով վերհիշեցին դպրոցում անցկացրած իրենց կյանքի ամենաանհոգ ու երջանիկ տարիները և լցվեցին կարոտով, նաև՝ ափսոսանքով, որ այսքան արագ, երազի նման անցան այդ լավագույն տարիները․․․ Բացման խոսքով հանդես եկավ դպրոցի տնօրեն Ա.Իսկանդարյանը: Նա շրջանավարտներին հղեց իր շնորհավորանքներն ու բարեմաղթանքները, ինչպես նաև ընթերցեց Էրեբունի վարչական շրջանի ղեկավար Ա.Աբրահամյանի ուղերձը: Բարի ե՛րթ, սիրելի՛ շրջանավարտներ։ Թևակոխելով ձեր կյանքի մի շրջափուլը՝ դուք մտնում եք մի նոր ու լուսավոր շրջան, ձեզնից յուրաքանչյուրն ընտրելու է մի նոր ուղի․․․ Թող ձեր ընտրած ուղին բերի միայն նորանոր հաջողություններ․․․ Եվ կյանքի աստիճաններով բարձրանալով՝ երբեք չկորցնեք ձեր ՄԱՐԴ տեսակը․․․

Դաս-միջոցառում դպրոցի գրադարանում

4բ դասարանի աշակերտները /դասվար Գ.Աղաջանյան/ մայրենիի դասն անցկացրեցին դպրոցի գրադարանում: Աշակերտները դերերով ներկայացրեցին Հ.Թումանյանի ,,Բզեզի դպրոցը,, հեքիաթը, կարդացին նրա բանաստեղծություններն ու հեքիաթները:

ԱՊՄ-ի բաշխման կետի ծավալում

10.05.2019թ-ին հ.60 հիմնական դպրոց ՊՈԱԿ-ում անցկացվեց «ԱՊՄ-ի բաշխման կետի ծավալում» թեմայով հատուկ տակտիկական ուսումնավարժություն /ՀՏՈՒ/:
Հատուկ տակտիկական ուսումնավարժությանը ներկա էին՝ԵՓՎ Էրեբունի բաժնի ԱԻ և ՔՊ հարցերով ավագ հրահանգիչ, փ/ծ մայոր Գ.Հակոբյանը, ՀԱՀ ավագ հրանգիչ, փ/ծ փոխգնդապետ Կ.Սարգսյանը, ԵՓՎ ՕՊ և ԲՊ բաժնի ավագ հրահանգիչ, փ/ծ կապիտան Ն.Սարկիսովը, գլխավոր մասնագետ Ն.Սահակյանը և Էրեբունի և Նուբարաշեն վարչական շրջանների ավագ զինղեկ Խ.Խաչատրյանը:

Հանդես Այբբենարանի

Առաջին դասարանի առաջին մեծ ցնծություն՝ ,,Հանդես Այբբենարանի,,:
1ա դասարանի աշակերտների ոգևորությունը մեծ էր, բարեմաղթանքները հյուրերին՝ ջերմ ու վառ երազներով լեցուն:
Դասվար՝ Լ.Առաքելյան:

Հրաժեշտ Այբենարանին

Եվ լեզուն ծնվեց բազում տառերով,
Եվ ծնվեց հայը նորովի,
Կերտեց դարերի պատմությունը պիրկ,
Եվ հավատարիմ մնաց իր ազգին:
Այս խոսքերով սկսեցին 1գ դասարանի աշակերտները ,,Հրաժեշտ Այբենարանին,, ցերեկույթը՝ դասվար Գ.Համբարձումյանի ղեկավարությամբ:
Այդ օրն անմոռանալի տոն էր բոլորի՝ ծնողների, ուսուցիչների և իհարկե մեր սիրելի աշակերտների համար:

Այբբենարանի հանդես

Հայոց եռագույնը ծածանվում է 1բ դասարանի հրաշամանուկների հոգիներում: Մեսրոպատառ այբուբենի ոգով հավերժի ուղին թող անցնեն մեր փոքրիկները իրենց սիրասուն առաջին ուսուցչուհու՝ ընկ. Թովմասյանի հետ միասին…

Այբբենարանի հանդես

«Այբբենարանի հանդես» ցերեկույթի մասնակիցները 1դ դասարանցիներն էին՝ դասվար Է. Խունոյանի ղեկավարությամբ։
Աշակերտները բեմադրեցին մի շրջագայություն քաղաքամայր Երևանով՝ վերջում իրենց սիրելի դպրոց հասնելով:
Այդ օրն անմոռանալի տոն էր և՛ առաջինների, և՛ նրանց ծնողների համար:

Միջոցառում՝ նվիրված ռուսերենի այբբենարանին

Լեզուն բանալին է կյանքի յուրաքանչյուր փուլում հաջողության հասնելու համար։ Տերյանցիները հաղթահարում են և’ գերմաներենի, և’ անգլերենի, և’ ռուսերեն լեզվի դժարությունները։ Բեմում այսօր փայլեցին 3 րդ /ա,բ, գ/ դասարանների աշակերտները։

Սպորտլանդիա» մարզական միջոցառման հաղթողները

Էրեբունի վարչական շրջանի ղեկավար Արման Աբրահամյանը հանդիպել է 1-3-րդ դասարանների «Սպորտլանդիա» մարզական միջոցառման Երևան քաղաքի առաջնությանը հաղթած հ.60 հիմնական դպրոցի փոքրիկ սպորսմեններին: Մեր չեմպիոնները Էրեբունու ղեկավարին ցույց տվեցին այն բոլոր վարժությունները, որով դարձել էին մրցաշարի հաղթողներ: Հանդիպման վերջում էրեբունու ղեկավարը ևս մեկ անգամ շնորհավորել է, ապա՝ հավաքական թիմի 10 մասնակիցներին և մարզչին հանձնել շնորհակալագրեր: